Ўзбекистон Республикаси Олий Мажлиси Қонунчилик палатаси ва халқ депутатлари маҳаллий Кенгашлари депутатлигига бўлиб ўтаётган сайловларни кузатиш мақсадида мамлакатимизда келган халқаро кузатувчи – Қирғизистоннинг “Кабар” миллий ахборот агентлиги Бош директори Кубаничбек Таабалдиев Бухорода бўлди.

Вилоятимизнинг чекка ҳудудида жойлашган Қўшработ туманида ҳам муҳим сиёсий жараён қизғин давом этмоқда. Тумандаги 394-сайлов участкаси аъзолари кекса, касалманд ва ногиронларнинг уйига кўчма сайлов қутилари билан бормоқда.

Хоразм вилояти маркази Урганч шаҳрида Ўзбекистон Республикаси Олий Мажлиси Қонунчилик палатаси ва маҳаллий Кенгашлар депутатлигига сайлов жараёнлари давом этмоқда.

Бугунги сайлов жараёнида Андижон вилоятидан 21 минг нафардан зиёд ногиронлиги бор шахслар иштирок этмоқдалар. Улардан 2095 нафарини кўзи ожиз фуқаролар ташкил этади. Ногиронлиги бор шахсларнинг сайловларда фаол иштирокини таъминлаш мақсадида сайлов комиссиялари томонидан зарур шарт-шароитлар яратилди. Жумладан, барча сайлов участкаларининг биноларида махсус йўлакчалар (пандус) ташкил этилиб, овоз бериш учун алоҳида хоналар жиҳозланди.

Аҳмадали Шерназаров/Сирдарё. Янги қабул қилинган Ўзбекистон Республикасининг Сайлов Кодексига кўра қамоқда сақлаш ва озодликдан маҳрум этиш жойларида сайлов участкалари тузилиши мумкинлиги, ижтимоий хавфи катта бўлмаган,унча оғир бўлмаган жиноят содир этиб, эҳтиёт чораси қўлланилган ҳамда суд томонидан ҳукми қонуний кучга кирган маҳкум ва маҳбусларнинг сайловда овоз бериш ҳуқуқидан фойдаланиши белгилаб қўйилди.

Бу йилги сайлов жараёнларидаги яна бир янгиликлардан бири ҳудудлардаги айрим сайлов участкаларининг илк бор синовдан ўтказилган “DigID” (Digital Identifikation – рақамли идентификация) қурилмалари билан таъминланганидир.

Сирдарё вилояти ҳокими Ғ.Мирзаев Гулистон шаҳридаги 18-сайлов участкасига ташриф буюриб, бугунги муҳим кунда фаол иштирок этишга чорлади.

Қонунчилик палатаси ва ҳудудий кенгашлар депутатлиги учун ўтказилаётган сайловлар қизғин тус олди. Кун ярмидаёқ умумий сайловчиларнинг 40 фоиздан ортиғи овоз бериб улгурди. Бу ўз навбатида, халқимизнинг сиёсий жараёнга бефарқ эмаслиги, сайловларнинг юқори савияда, уюшқоқлик билан ташкил этилганидан дарак беради. Буни мамлакатимизда бўлиб турган халқаро кузатувчи, экспертлар ҳам тасдиқлаяпти.

Навоий вилоятида бугун эрталаб соат 8:00 дан бошланган сайлов жараёнларининг 13:00 даги ҳолатида 260 минг 99 нафар фуқаро овоз беришда иштирок этди.

Пирназар бобо Турдиев уруш ва меҳнат фахрийси, Кармана туманидаги “Дўрман” МФЙда истиқомат қилади. Тумандаги 89-сайлов участкасига келиб, ўзи муносиб топган номзодларга овоз берди. Ҳарчанд уринмасин, нечанчи бор сайловларда иштирок этаётганлигини эслай олмади.

Пахтаобод туманидаги 462-сайлов участкасига Андижон вилояти ҳокими Шуҳратбек Абдураҳмонов биринчилар қаторида оила аъзолари билан овоз бериш учун кириб келди. Кекса ёшдаги отахонлар дуосидан сўнг вилоят ҳокими бу йилги сайловлар шаффофлик ва ошкоралик руҳида ўтаётгани, фуқароларнинг ҳуқуқий маданияти ўсиб бораётгани хақида гапирди. Ўз навбатида бугун сайланадиган депутатлар Ўзбекистонни янада ривожланиши, келажаги учун хизмат қилишлигини билдирди.

Ўзбекистон Республикаси Олий Мажлиси Қонунчилик палатаси, халқ депутатлари вилоят, шаҳар ва туман кенгашларига бўлиб ўтаётган сайлов жараёнини кузатиш мақсадида Жанубий Кореялик халқаро кузатувчи, вилоят ҳокимининг инвестиция ва ташқи савдо масалалари бўйича маслаҳатчиси жаноб Кеун Жунг Бу Қарши шаҳридаги бир нечта сайлов участкасига ташриф буюрди ҳамда сайлов участкаларидаги жараёнлар билан танишиб, ташкилотчилик даражаси ва сайловчилар фаоллигини юқори баҳолади.

Бухоро вилоятидаги Ўзбекистон Республикаси Олий Мажлиси Қонунчилик палатаси ҳамда маҳаллий Кенгашлар депутатлари сайловини ўтказувчи сайлов участкаларида мамлакатимиз сиёсий ҳаётида муҳим ўрин тутадиган овоз бериш жараёни қизғин давом этяпти. Биз Бухоро шаҳридаги 31- сайлов участкасида худди шунинг шоҳиди бўлдик.

Фарғона вилояти ҳокими Шуҳрат Ғаниев Марғилон шаҳридаги 32-умумтаълим мактабида жойлашган 630–сайлов участкасида овоз берди.

Айни пайтда вилоятимизнинг барча ҳудудларида Олий Мажлис Қонунчилик палатаси ҳамда маҳаллий кенгашлар депутатлари сайлови уюшқоқлик билан ўтмоқда. Аҳолининг кўтаринки кайфияти, уларнинг жамиятдаги сиёсий жараёнларга бефарқ эмаслиги барчамизни қувонтиради, албатта.

Ўзбекистон Республикаси Олий Мажлиси Қонунчилик палатаси ва халқ депутатлари маҳаллий Кенгашлари депутатлигига сайловлар ўтказилаётган мазкур участкаларда овоз беришда юқори фаоллик кузатилмоқда. Биз ушбу сайлов участкаларининг бир қанчасида бўлиб, уларда қатнашаётган ўз соҳасининг таниқли пешқадамлари билан суҳбатлашди.

Наманган аҳли ҳам сайлов участкаларига худди байрамга отланган мисол шоду – хуррамлик билан йўлолдилар. Овоз бериш Марказий сайлов комиссияси белгилаган вақт — роппа-роса 8:00 да Давлатимиз мадҳияси оҳанглари жўрлигида юксак кўтаринкилик билан бошланди.Айтиш лозимки, жойларда сайловчилар учун яратилган қулай шароит уларнинг ўзлари танлаган номзодга эмин-эркин овоз бериши учун тўла-тўкис имконият яратган. Эътиборли жиҳати,сайловларга тайёргарлик жараёнида кўриш қобилияти паст бўлган фуқароларга мўлжаллаб брайл алифбосида битилган бюллетенлар ҳам ҳозирланди.

Ўзбекистон Республикаси Сайлов кодексининг 51-моддасига биноан, бугун соат 8.00 да Ўзбекистон Республикаси Олий Мажлисининг Қонунчилик палатаси ҳамда маҳаллий Кенгашлар депутатларининг сайлови мамлакатимиз ҳудудида ташкил этилган 10 минг 260 та сайлов участкаларида, шунингдек, Ўзбекистон Республикасининг хорижий давлатлардаги ваколатхоналари ҳузурида тузилган сайлов участкаларида бошланиб, сайловчиларнинг овоз бериш жараёни Ўзбекистон Республикаси Сайлов кодекси ва сайловга оид норматив ҳужжатларига тўла мувофиқ ва самарали давом этмоқда.

Бугун, 22 декабрь куни Ўзбекистон Республикаси Олий Мажлиси ва халқ депутатлари Кенгашларига сайловлар бўлиб ўтмоқда. Ўзбекистон Республикаси Президенти Шавкат Мирзиёев оила аъзолари билан биргаликда Мирзо Улуғбек туманидаги 162-сайлов участкасига ташриф буюриб, овоз беришда иштирок этди.